ط
مسابقة الشعر العامى

لِسه الحلم مَكملشي..مسابقة الشعر العامى بقلم / حسن سعيد ابراهيم مرسى من مصر

لِسه الحلم مَكملشي

لِسهْ الحلمْ مَكملشي
كمان عايزني ماحلمشي
لا أنا هحلم وارمي اساس لبكرةْ
ولما يجي هتكبر الفكرةْ
وانا كمان هجري
أسابق في الجري حِلمي
هلملم كُل أصحابي
هجمع طموحهم ويا طموحي
وقول يا أيامنا بوحي
ومن على سطوحي
هنادي على شمسي
وأولها ماتغيبشي
وتيجي بكرة من بدري
ومش نايم انا خلاصْ
حِلمي سَكن عيني
نهار وليل عايش فيةْ
واستنى من مغربي يقرب فَجري
ماهو الحلم ْمش عايز كسلْ
ولا نوم نِنةْ في العسلْ
جَّمع خيوط ْمن الأملْ
والبس توبك اللي اتغزلْ
وخلي عندك يقين
بكرى جاي بالعملْ

حسن سعيد ابراهيم مرسي

01286397582
01116922969

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى