ط
الشعر والأدب

مانيش موهوب..قصيدة للشاعر / كرم شحات

 

مانيش موهوب ولآ شاعر
وصعب إنى على نفسى
أقولها ف يوم
وكلى يدوب من الأخر
بحب الشِعر وبحوره بتسحرنى
فاحاول اعوم
واقدّر كل مين قلمه
بيكتب شىء يمتْعنا
وادعيله يزيد فضله
ويفضل فِكره يجمعنا
بإحساس السلام والخير
وإبداعه اللى كله جميل
يدوم لسنين ويسعدنا
بحرف بيروى زى النيل
نفوس وقلوب
مانيش موهوب

مانيش موهوب لكن بحلم
أكون فنان مالهوش مثيل
اجمْع م الحروف كلمة
تلم الشمل وتداوى اللى قلبه عليل
اكون كاتب كبير محبوب
وأشعارى تلف دروب
فتصبح بين كتير بسمة
تشد العزم وتوصلنا للمطلوب
نصير قبل الأمم قدام
بجهد وفهم للإسلام
وترجع لينا عزتنا
فنقدر نقطف الأحلام
وننهى حروب
مانيش موهوب

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى