ط
الشعر والأدب

متصدقيش . قصيدة بقلم الشاعر / محمد البدراوى

متصدقيش

كلمات محمد البدراوي

 

متصدقيش أي حد

يقولك كلام عني

دانتي اللي جوه ف قلبي

وإنتي حته مني

متصدقيش

متصدقيش واسمعيني

متصدقيش وافهميني

وان كنتي خايفه

ياحبيبتي

كلميني….. واسأليني

إسأليني عن أي حاجه

بتحيرك

عن قلب ممكن يكون

بيغيرك

عن عين دايماً معاكي

بتسهرك

عن روح كل اللي فيها

بيوصلك

إسأليني ومتخافيش

إنتي عارفه

أول ما شفتك حصلي إيه

قلبي دق ليكي ف ثواني

معرفش ليه

وشفت قلبك حد تاني

بغير عليه

وشفت روحي ماشيه

جانبه بتواسيه

معرفش ليه

معرفش ليه جريت عليكي

بالشكل ده

معرفش ليه حبيت عنيكي

وكل ده

وكل ده في حبي ليكي

ميساويش

صدقيني ومتخافيش

وغيري تاني متصدقيش

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى