ط
مسابقة الشعر العامى

متلوميش..مسابقة شعر العامية للشاعر / عز الدين جبريل من مصر

متلوميش
متلوميش على فى بعدك
دا كان مقدر ومكتوب
ولاحتى تقسى وتظلمينى
وتحملينى لوحدى ذنوب
بعادى عنك مهوش بايدى
زى دم بيشلى من وريدى
والنصيب لبسنى التوب
انا كنت عارف انك زنبى
ولا كنت ناوى ابعد عنك
ولا كانت نيتى انى اتوب
وحتى لوكان عشقنا ممنوع
احنا كنا لقلبنا ماشيين طوع
ولا كنت ناوى ابقى نحله
اشرب من عسلك وامشى
دا كان حضنك بيتى وعشى
بس دايما سعادة قلوبنا
بتيجى يوم والف تمشى
انا اللى عشت زمار
ولاخبيت دقنى ولا وشى
غصب عنى النصيب بيمشى
لو كنتى فاكره نسيتك يوم
تبقى ماعرفتينى ولا يوم
انا اللى عشت بضحك الناس
اهو لفيت وجالى اليوم
ابات سهران الليل
ولا بيزورنى طيف النوم
ومش هكدب واقول فرحان
ولا حتى هقول عندى هموم
لكن كنا عارفين قبل اللقا
انه الحياه دايما يوم ويوم
الشاعر/عزالدين جبريل

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى