قصيدة عامية
للإشتراك فى المسابقة
……. صوت الناى …….
صوت الناى بيعزف آهات
بيبكى ع اللى راح منه
اللحن مش محتاج لآلات
ولا جبال تشيل عنه
تتجمع حواليه القلوب
تحكى دموع العين عنه
يسمعه الليل يعيش فى ويل
يقول ياعين ف فراق خله
مجروح وكمان يداوى
دايما للوفا غاوى
يقول موال عن الأحوال
تسمعه تقول آه ياخال
يشكيله طبيب الهوى
يسأله عن اسم الدوا
يعشقه ورد البنفسج
يبتسم وهوّ حزين
يصاحب الفكرة والذكرى
يصاحب الفضا الواسع
السعادة دى غيرانة
علشان دايما وحيد
صوتك ياناى هز الجبل
طرح الثمر يانخيل
سهر القمر يانجوم
غنى وغناه مواويل
والموجة رقصت ف الحال
يحضنها الشط بقوة
يسيبها عشان تعود
تسمع صوت الناى
من جديد
————————-
حسن توفيق
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
