ط
مسابقات همسهمسابقة الشعر

مربع ومعني _خاص بمسابقة العامية ..للشاعر محمد عبد الرؤوف عسكر من مصر

مربع ومعني _ بقلمي / محمد عبد الرؤف عسكر ( الشهير بـ/ الصافي ابو عمار ) مصر _ سوهاج _ مركز جهينه

 

أول كلامى صلاه

علي خير البرايه

ومن بعد بسم الله

تبدأ فصول الحكايه

عاش من طاع مولاه

مخلد في نعيم الجنان

ومن عصى يا ويلاه

تهرى جلوده النيرانِ

كلمة والكلام هايجن

بحضنه كل المعانى

والله بني الجن

نقلوا صحيح المعانى

حيران من حالنا ها اتجن

لا عارف يمينى ولا شمالي

ملعون من فعله كيف الجن

يتقلب يَمنى وشمالى

طعنت بالكلمه والزان

لا خفت عسكر ولا خلايق

دا بكره يوم حصاد وازان

محشوره الامم بلا خلايق

تعبني زمني وأخ

ضيع صحبي عداىّ

شاهر سيفي على أخ

وحاضن بقلبي عداىّ

يا أهل السلم سلمات

صلو صلاة الجنايز

علي مجد زال سل مات

وبعضى لبعضى يهدى الجنايز

تسلم أيدك يا زين

وأبوس خدك وشاشك

خالي من الكدب والزين

لكن ملي دمي وشاشك

ما ادرى فرحان ولا تحزن

لو كنت يوم شهيدك

تفرح العين ولا تحزن

لو صرت بطعنك شهيدك

ببكي وبكاىّ دم

بل الورق والوادى

وبحر حقد ودّم

غرّق جبلها ووادى

يا صحبي فوق واتلم

واعرف حدك وحدى

وكام واحد اتلام

لو طغي علي حدى

اقولها كلمه والله شاهد

يعرف ضميري ومخباي

لو ظلتك فتنه ولها شاهد

حاول تكون مستخباي

لو كنت تقدر تزيلها

إياك تخنع في دورك

وإلا نفسك فذلها

لانه دور مش دورك

وأختم كلامي كمبداه

الموقع بقلمي ورايه

أتم سلام وصلاة

علي خير البراية

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى