اسم القصيده
نار الشوق
ماتسبنيش اشتاق لعينيك
ونار الشوق تقيد فى قلبى
دانا اتخلقت علشان اوريك
كل حلوة الدنيا فى حبى
******************
خدنى معاك مطرح ماتروح
دانا حبيت الدنيا عشانك
لو يوم قلبى بات مجروح
علطول هيصلحه ورد زمانك
انا عارف انى غالى عليك
علشان عمرى وهبته اليك
وماقدرش اعيش ابدا غير بيك
اسال كل ركن فى دربى
******************
ماتسبنيش اشتاق لعينيك
ونار الشوق تقيد فى قلبى
******************
دانا بشتالك وانت معايه
امال فى بعدك اعمل ايه
ارحم عذاب عايش جوايه
وقول لى بتعمل كده ليه
هديتك قلبى ووثقت فيك
وعملت كل شئ يرضيك
ليه ياحبيبى اسهر لياليك
بدموع عينيا انا ايه ذنبى
*****************
ماتسبنيش اشتاق لعينيك
ونار الشوق تقيد فى قلبى
******************
الدنيا دى ايه غير حبيبين
يعيشه على ضى القمر
والفرحه تضحك جوه العين
وحنا فى احضان الشجر
ابقى النهارده بين ايديك
وعايزنى بكره احلم بيك
بلاش فراق الله يخليك
وخليك هنا علطول جنبى
*****************
ماتسبنيش اشتاق لعينيك
ونار الشوق تقيد فى قلبى
