*******
ممكن سؤال
إسأل وهسمع حضرتك
مستهلكة !
عزفوها كل المعجبين
والمعجبات
أما خزين المفردات
عندك سكات
واما الكلام
قرب لسانك ينطقه
فجأة إختفى
لما العيون إتكلمت
حيرتني وتعبتني
حببتني أرتاح معاك
عرفتني شمس السعادة
من عنيك
تاهت عيوني بتسألك
بتحبني متحبنيش
والخوف عنيد أو مستبد
هوا إنت إيه
راضع من الدنيا العذاب
فارد لسوء حظك بساط
دايما بتجري على الألم
نفسك فإيه
تعالى قول لي هسمعك
قلب وكيان
قبل الودان
وان كنت قادر ع الغياب
غيب انطفي
شجر النجوم
فالليل شجن
يطرح وممنوع الحصاد
والشمس بعد الفجر إيه
نور أو دفا
يا إما حمى تقتلك
أو صهد يهديك للعمى
وإنت أكيد منتاش كدا
جملة سكاتك رائعة
مش جملة سهلة أحسها
مستهلكة
*******
كلماتي / علاء الدين علي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
