ط
مسابقة الشعر العامى

مسيرنا نكون تراب.مسابقة الشعر العامى بقلم / محمد السيد البدري السحراوي

خاص بالمسابقة
الاسم / محمد السيد البدري السحراوي
رقم الهاتف / 01553359599
قصيدة شعر عامية بعنوان
( مسيرنا نكون تراب )

عارف بإني مانيش ملاك
ولا حتى كان ليا جناحات
شايف يوماتي من البشر
حبة عيون و كفوف ازاز
غاويين يوماتي بإنهم
دايسين على خد الضعيف
اكمنه عايش يومها ضيف
جوه الحياه ماسك يدوب
يجي كام رغيف متغمسين
و بدمعه بايته على الخدود
موعود بإني في يوم اكون
واخد لقب غلطان صحيح
بما إني مش معصوم اكيد
طول الحياه من كام غلط
عايش بغني من الوجع
و اكتب يدوبك كلمتين
مترتبين بين السطور
يمكن في يوم اقدر اعيش
و المح قمر ابيض برئ
غرقان في بحر من السواد
بما إني شايف دنيتي
من يوم ما جيت جوه الحياه
و كأنها غابة بشر و بينتشر
فيها الأسود على شكل ديب
تلاقيه يسيب جواك اثر
من غير ما تقدر تمنحه نظرة سكوت
يلاقيك بتبدأ يوم تموت
بمجرد انه في يوم يشوف
نظرة عينيك لما تخاف
ينهش حياتك يقتلك تصبح يدوب
صورة في غلاف لروايه صعبه و مؤلمه
ف تضيع سنينك ربما علشان ضعيف
عايز تعيش جوه الحياه
ف لابد انك تتوجع
و يكون صراخك للسما
ترفع ايديك و بدمعتك
تشكي لربك وقتها
ف هتبكي عينك بالدموع
بما اننا جوه الحياه
ماحناش ملايكة و قديسين
ولا ع الجبين مكتوبلنا
ماشيين على سطر الصواب
بما اننا عايشين يدوب
في الغابة ننهش عمرنا
ف لابد يجي اليوم نكون
خايفين ساعتها من الغياب
و ان احنا لازم في الحياه
هندوق مرارنا و حلونا
ماشيين في اكتر م اتجاه
لكن مسيرنا نكون تراب

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى