ط
مسابقة الشعر العامى

مش ذنبي. مسابقة الشعر العامى بقلم / حسام المعتز بالله من مصر

مش ذنبي
حسام المعتزبالله

مش ذنبى إن القسوه ماليه ملامحى
ولا ذنبى إنى بعرف أدارى جرحى
بيقولو عنى قوى وأنا أضعف خلق الله
بيقولو إنى مفترى ومعرفش طعم الأه
طب تعالو شوفو قلبى
شوفو راحو فين حبايبى
شوفو دمعى إيه مخبى
أنا الوجع هو قدرى ورفيقى ف الحياه
أنا من يومى معرفتش أفرح
ياما انجرحت لكن عمرى مجرح
حلمت ياما بحاجات جميله
لكن الحزن اختار قلبى مطرح
الدنيا واخدانى عدو ليها
بحاول أسايسها وأعيش فيها
جايز ملامحى الهم مغطيها
لكن جوايا طفل نفسه يفرح
بكتم جوايا وجعى
بمسح بإيديا دمعى
لاعمرى خنت ولاافتريت
وطريقى مشيتهُ وحدى
مش عايز الدنيا تحبنى
ولاعايزها ف حضنى تترمى
أنا عايز أكمل سكتى
وراضى باللى كتبهولى ربى
وراضى باللى كتبهولى ربى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى