خاص بالمسابقة
شعر عامية
مصر العظيمة
مصر الحواري
ومصر السواري
ومصر القوية بتحضن ولادها
بايع وشاري
ولاد الذوات ولاد القصور
حرامي وسارق وعدي البجور
وواحد مطنش ولازق قي سور
ونايم في عشة وتحت الكباري
ولاد الجواري
وبايع بحور
وداير ولاقف
وسافف تراب
وحتي الغراب
بجزمة ملمع
وواحد مقمع
وحافي ما لابس حتي الشراب
دي مصر العظيمة
ومصر العزيمة
ومصر الكريمة
بتسكت وتسكت
وتغلي تفور
ولمَّا تصحصح
بواسل تثور
وتفرز تجنب
وتفرك تقلب
تنضف وتكنس
بواقي النسور
في ساعة العصاري
ووقت الفطور
لا مرَّة تقولك
يا غلبي ف حماري
تعبت في داري
وصابني الفتور
سامح لطف الله
مصر
