مصر ست الكون بحالو. مسابقة العامية بقلم / محمود ربيع من مصر

قصيدة عاميه
(مصر سِت الكون بِحَالو)
محمود ربيع عبد الحميد
مصر اسيوط ديروط
………………………………………….
مصر سِت الكون بِحَالُو
مصر شعب وله نضالُو
مصر علم. تاريخ. حضاره
مصر مش حبة حجاره
مصر أعظم مما قالوا
هيَّ ست الكون بِحالو

لو عرفتوا اللي غزوهـــا
واللي حاولوا يكسروها
في هواها طَبُّــوا مالــــوا
هيَّ قاعده وهُمَّا زالــــوا
هيَّ ست الكون بحــــالو
………………………………………….
اسأل الهكسوس عليها
لما أحمس كان حاميها
بالعَــجَلْ كان انتــــصارُه
أصله قاعد يحمي داره
يسلم البطن اللي شالو
مصر ست الكون بحالو

مصر سِت الكون بِحَالُو
مصر شعب وله نضالُو
مصر علم. تاريخ. حضاره
مصر مش حبة حِـــــجاره
مصر أعظـــم مما قالوا
هيَّ ست الكون بِحالو
………………………………………..
شفت ريتشارد وفيليب
جوها رافعين الصليب
مصر فيها صلاح ودين
خرجـــــــتهـــم مذلــــولين
آخرةِ الظـــــــلم وضلالو
هيِّ ست الكون بحالو
……………
اسأل الهولاكو خان
واسأل الجنكيز كمان
زلزلتهم عين جالوت
اللي هيقرب يموت
ينسي عمه وينسي خالو
مصر هتْـــيَــــــــتِّم عــــــــــيالو
هيَّ ســــــت الكون بحالو

مصر سِت الكون بِحَالُو
مصر شعب وله نضالُو
مصر علم. تاريخ. حضاره
مصر مش حبة حجاره
مصر أعظم مما قالوا
هيَّ ست الكون بِحالو
…………….
بونابرته جاب جيوشه
مين هنا يقدر يحُوشُه
غير شباب مصر الأبيه
بالإراده المصراويه
كام سنه ولَمْ ف عِزَالُو
هيَّ ست الكون بحالو
………………………………………….
ولّا شوف مسيو لويس
جانا بالطبع الخسيس
من سطوح البيت شافوه
العيال بالطوب رموه
راح أسير واتذل حالو
هيَّ ست الكون بحالو

مصر سِت الكون بِحَالُو
مصر شعب وله نضالُو
مصر علم. تاريخ. حضاره
مصر مش حبة حجاره
مصر أعظم مما قالوا
هيَّ ست الكون بِحالو
…………………………………………..
شوف بريطانيا القويه
جت بأطماعها الغبيه
واما طال الإحتلال
قمنا أممنا القنال
يسلم الشعب وجمالو
هيَّ ست الكون بحالو

مصر سِت الكون بِحَالُو
مصر شعب وله نضالُو
مصر علم. تاريخ. حضاره
مصر مش حبة حجاره
مصر أعظم مما قالوا
هيَّ ست الكون بِحالو
…………………………………………..اليهود احتلوا سينا
قالوا مصر هتبقي لينا
بس مين يقدر ياخدها
ع الحدود واقفين اسودها
واسأل البحر وجِبالو
هيقولو لك مهما قالوا
مصر سِت الكون بِحَالُو

مصر ست الكون بحالو
مصر شعب وله نضالُو
مصر علم. تاريخ. حضاره
مصر مش حبة حجاره
مصر أعظم مما قالوا
هيَّ ست الكون بِحالو