لسة الجبان يا بلد
مترصد إولادك
فاكر بموت كام ولد
هيزلزل إوتادك
***************
لابس تياب الغــدر
متخفى بالضلمة
وانتى بتوب الصبر
عودك قوى ياامة
***************
ضهرك ما يوم اتحنى
ولا مرة سلمتى
واجعك فراق الضنــا
لكن ما يوم ملتى
***************
بتودعى الابطــــــال
وبتكتمى صوتك
وبتحصرى الأنــــدال
على طرف نبوتك
***************
يا قاتل الأشــــــراف
ليك يوم وهنطولك
واللى يخون خــواف
وهنحنى يوم طولك
***************
بكرة نهارنا يبـــــــان
يا وغد ونجيبــــك
خاين وابوك خــــوان
ابدا ما هنسيبك
***************
مصر يا واطى رجـــال
ولادة ما تموتشى
لو تقتلوا ملاييـــــــن
ابدا ما نخلصشى
21/7/2014
