====================== دا الصبر من صبرى اشتكى وخلصت دموع العين دا انا الشاعر اللى كان كلامه اغانى تشد يا دنيا ودان اليوم صبحت جريح الهوى شهيد مش لاقى الدوا لانيين قلولى يا خلق اتحجر منا الكلام بالحلق قولو اجيبو منين دا انا نفسى افرح يومين وينوبنى من الهنا قراطين ما انا اللى ياما اهديت الود م القلب بالفدادين دلوقتى عايش حياتى وحيد شريد الفكر والوجدان شعرى اللى كان الحان صبح هموم واشجان وكلامى بالحب اللى ياما يا دنيا كان بيعلم الصبر ويواسى اطبا القلب والعاشقين صبح لفتور مشاعرى على الورق محموم بهتان دلونى وداونى ياللى لبعدكم بكى الفؤاد والعين منين اشترى للفرح فيزا وتاشيره واعيشلى يومين وانسى الجراح واللى راح م العمر قسى وحرمان ويعود كلامى من سن اقلامى يدون للتاريخ سطرين ويعود راسم الكلمات على حصانه كما الفرسان يغرد باشعاره ليلو ونهاره يدوى صوته بالميدان ويرسم الكلام لوحات بالريشة والالوان بقلم === الشاعر \ راسم محمد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
