ط
الشعر والأدب

من نص لم يكنمل بعد بقلم الشاعر / بكرى جابر

10999_662359937223410_2488292266190018630_n

مش مفترض يا بنت عمري ان المواني كلها ترحل بعييييد
و تموت هناك
زهر الليمون وحشهُ اللقا
طعم الكلام
إرخي اللجام
شيلي الخجل
الروح مدار
و النار مدار العاشقين
حني بقى
ده المنتهى ملوش حدود
ف المبتدى ….
كل الغضون اتنهدت
اتوحشت حتى الإيدين
و انا مش ملاك
أنا ميت شيطان مع ميت ولي
وانتي اللي بوحك كان دليل
كان مغتفر
منديل غرامك لسه فيه طعم الحنين
لسه بينزف بالوجع
حلي الضفاير و ارقصي عدي البراح
خلي النهار يطلع جديد
خلي البيوت تضحك بقى
قلبي الضغير مات شهيد
و انا لسه بافطر ع الوجع
هاتي إيديك
يلا نطير و فوق حدود الأمكنه
نشرب حليب الصبح من عين السما
و نحلِّي من شهد الصباح
ننفرش جنون الروح على نقش البدن
و ننادي ع العمر اللي راح .

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى