قصيدة : فيه ناس . مسابقة الشعر العامي بقلم / محمد عبد الصادق

الاسم : محمد عبد الصادق
الصفحة على فيسبوك
محمد عبد الصادق & خواطر الكاتب محمد عبد
الصادق
لينك الصفحة
https://www.facebook.com/KhawaterAlNaqeeb/
شعر العامية
فيه ناس..
فيه ناس بتفهم وغيرها لأ..
فى لسان بباطل ولسان بحق..
وقلب قاسى وقلب رق..
وفيه بيزعل من سكات وغيره لازم ع الملأ.
فيه ناس بتعلى بالحرام وناس بتتعب بالسنين..
وكله بيبان ع الجبين.. ينزل عرق..
فى عمرهم كله اتسرق..
وهما مش واخدين فى بالهم وقت ومرأ..
فى ناس بتكتب ع الحجر..
وناس تقول دول م الغجر..
وفيه كتير زى الشجر..
واقفين فروعهم فى السما أغصانها زاينها الورق..
فيه ناس حياتها الكبرياء..
وناس تعبهم الفراق..
وكتير اوى فيهم غباء..
ولا حد عارف مين بينهى ومين بدأ..
هى الحياة ماراثون كبير..
هتلاقى فيه اصناف كتير..
واحد غنى غيره فقير..
فيه الضعيف فيه العنيف الفهلوى
والملتوى والمنطوى..
وصاحب مبادئ مستوى..
لكننا نقدر نحدد كلنا نقدر نقولها من هنا
يا هل ترى مين ياترى
اللى هيكسب فى السبق..