ط
مسابقة الشعر العامى

ناعسة .مسابقة الشعر العامى بقلم / رمضان سالم أنسى من مصر

شعر العامية
الاسم / رمضان سالم أنسي
( رمضان العلالقة )
تليفون : 01142983459
البلد – مصر – الفيوم
~~~~~~~~~~
ناعسة
~~~~~
ليه الدوشة
و وجع الراس
ليه الحوسة
ما تسبناش ؟
و الله الشغل
يا ناعسة قطعني
و ملوعني
داخل طالع شايل فاس
و أفضل أكد
و اجيب من حالي
و سايبة ولدك
كده طوالي
يحرق دم و زرع
الناس ؟
إلحقي يا امه
و لدك ضايع
ماسك في أيده
كام قرطاس
هو الوضع
هيفضل مايل
كده علي طول
و ما فيش إحساس ؟
و نفضل نشرب
مر و علقم
نرفع كاس
و نزل كاس ؟
إضرب و إرقع
كسر وقع
كله بيقبض
مش ببلاش
و الله يا ناعسة
ما بعرف مالك
إيه اللي جرالك ؟
قال اللقمة
ما بنلقاش !!!!!!
أحكي يا ناعسة
و ما تخبيش
أحكي القصة
قوام و قوليها
قولي يا ولدي
منين بتعيش ؟
قولي القصة
أوع تخبيها
قصة خلاص
و أخدنا عليها
لمة و هيصة
دولار بقشيش
ولدك يا امه العقل
ما فيش
ولدك يا امه
في الليل يسكر
قاعد يلطم
حكم العسكر
عايز يكسر هامتك
يا امه و يوطيها
آااااه يا امه
ع الشكوي المرة
و الله قبضنا
فلوس من بره
لمي يا ناعسة
و حطي في جرة
عدي فلوس
أوعاك تنسيها
و الله يا ناعسة
يا ألف خسارة
عشنا و شوفنا
فيك طيارة
تجيب الدنيا
عاليها واطيها
أحكي يا ناعسة
و قولي عن حالك
أحكي الهم
و هم عيالك
و الله يا ناعسة
ما كان علي بالك
إن ولادك
اللي قولتي
في يوم راس مالك
يبقوا البيضة
و اللي شويها
قومي يا ناعسة
أرمي عكازك
و أرفعي راسك
فوق عليها
يا ريت يا ناعسة
ما ضم دراعك
ولا رضعتي ولاد تأويها
~~~~~~~~~~~~
بقلم / رمضان العلالقة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى