***********
ويااااااا سامعه خطاوي الناس في قلب الحاره بتنادي
وبتلاغي
وب تبخر تراب الخطوه بالموال
عشان ترمي ولو نظره
و لو بالزور
كفااااايه نزور ف كعبه بتضرد العشاق
وتسرق مننا البركه
وياااااااابركة حسن وحسين و سر الله في تكوني
كفايه هروب
و سور ورا سور
و صد في صد
كرهت معاك ندا قلبي و كلمة حب
لكني ب احب ….!!
ومش لاقي غير التجريح و كاس فاضي
بنسكر بيه انا وانتِ
عشان نعرف نصون الود
و آآآآآآآآآآآه م الود
و انا العارف بأن الحب سيف ماضي
و رباني
و شئ عادي
أبوس إيدك مع رجلك
و اعيش مجنون
لكني ب اموت
وانا داير علي خلقك برشرش دمعتي سقا
و ارش السور
بأحلام الهوى عذري
ومن عذري
ب امد الإيد وب اتسول رغيف الود
و انا المكتوب في عنوانك:
أصد الريح
و اكون السد
و اكون الشال علي اكتافك يغطيك
بحوش البرد
وآآآآآآآآه م البرد ف ضلوعي و انا العريان
ومش شايف ……
في قلب طابور من العميان
وب اتحايل علي قلبك يخبيني من الغربه
وسوس الأرض
ف حني عليا و ارويني
و خبيني
ولمي الناس من الغربه
وم الترحال
في ليلة حب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
***********
