ط
الشعر والأدب

نورتلهم شموعى..بقلم الشاعرة زهراء الطوخى

زهراء الطوخى
نورتلهم شموعى


عرفت معنى الاهر
من جوا نبع الروح
ياقلبى ياللى صحابك
خالوك تعيش مجروح

وانا وانت حضن ليهم
وهما كانو سكاكين
بالغدر يطعنوك
وتسامح يا مسكين

ودوينا ياقلبى فيهم
وهما يجرحوك
كنا نسعد عنيهم
وهما يغدروك

طب مش هاندم عليهم
ولاعمرى هاعيش تانى ليهم

إذا كنت فى يوم حبيتهم
ومن احلامى إدتهم
من رزقى ورزق عيالى
كنت بحاول أسعدهم

وهما يجرحونى ليه
من العذاب يسقونى ليه
هو اللى يعمل خير
يجى ينقلب عليه

طب مش هاندم عليهم
ولاعمرى هاعيش تانى ليهم

نورتلهم شموعى
بنور من نور عنيا
وكنت أحوش دموعى
لما يهلو عليا

كنت بهون عليهم
وأمسح دموع عنيهم
وهما بكل قسوه
يرمو حمولهم عليا

طب مش هاندم عليهم
ولاعمرى هاعيش تانى ليهم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى