ط
مسابقة الشعر العامى

هو الحب عيب..مسابقة شعر العامية بقلم / صلاح ابراهيم العشماوى من مصر

مهرجان همسة ٢٠١٦
صلاح إبراهيم العشماوي
مصر
01143242112
…………
قصيدة/ عامية
هو الحب عيب ؟
……………

هـــو يعني الحـب عـيب ؟
طب أعمل ايه لو غصب عني ؟

عمري متخيلت قلبي
أو مشاعري ف يوم تخوني

و القى نفسي فِ وسط يأسي
فاكرك انت ومش فاكرني

ليه تملّي تزيد فى جرحي
و بجفاك بتكون ظالمني ؟

دا انت نبضي وجوا دمي
و ف عيوني إنت نني

لو تحس ف يوم بحالي
وقدّ أيه بعدك دابحني

كنت عشت ف حضن قلبي
كنت في جراحي تقاسمني

ياحبيبي العمر عدىّ
وأنت ليه منك حارمني

ليه يموت الحب بينا
نفسي مرة تحس إني

كل ليل بخدك في حضني
رغم إنك مش فاكرني

وعمري كله أنا عايشه ليك
وانت ياقاسي هاجرني
………
صلاح العشماوي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى