ط
مسابقة الشعر العامى

وآهى أيام بتعدى علينا.مسابقة شعر العامية بقلم / على عبد الحميد الشاعر من مصر

مسابقة شعر العامية

……………
وآهى أيام بتعدى علينا
……………………….
بقلم / علاء الشاعر
………………….
وآهى أيام بتعدى علينا .. يوم تنسانا ويوم ترضينا
واحنا نغنى ليها أغانى .. مرة بفرحه ومرة حزينه
وآهى أيام بتعدى علينا
لما ف يوم الدنيا بتضحك .. بتقول ده اليوم الموعود
واما ف لحظة بيضيع فرحك .. ولحزنك تانى بتعود
ما يهمكش م الايام .. راجع فرحك تانى قوام
عمر الحزن ما طال او دام .. ولا دنيتنا وقفت بينا
وآهى أيام بتعدى علينا
عيش الدنيا زى ما هيه .. إكسر خوفك وإتحداه
حتى ان يوم راح تقسى شويه .. ويضيع حلم بتتمناه
اوعى تسيب اليأس ماليك .. ايه يعنى لو ضاقت بيك
خلى عزيمتك بتقويك .. الاحلام تتحقق لينا
وآهى أيام بتعدى علينا
إديت مرة لقلب أمان .. ولقيته بقلبك مارضيش
على ايه بس تكون زعلان .. حب وغامر تانى وعيش
إرسم قلب وسهم ف شجرة .. إنسى امبارح بص لبكرة
خلى الماضى يصبح ذكرى .. لسه الأجمل مستنينا
وآهى أيام بتعدى علينا

………………………

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى