وحشتينى يا مصر بجد ووحشنى العزوه واللمة بقلم الشاعر / راسم محمد

وحشتينى يا مصر بجد ووحشنى العزوه واللمه
===========================
مانيش يوسف عشان اقدر انا انسى وافسرلك انا الرؤية
انا ممكن اكون فعلا وقعت ف بير وغمو عنيا بالساقيه
لكن عارف حقوقى زين وهافضل انادى طول عمرى بحرية
مانيش موسى عشان اضرب بعصايا البحر يبلعهم
لكن جوايا بركان حب لبلادى وروحى وهبتها هدية
ومش ايوب عشان اصبر وانسى شهيد مالوش ديه
دا انا اللى جنبى كنت سامعه بيطالب بعدل ويا حرية
وبعينى شوفته رافع اعلامها بيهتف مصر بحمية
وانا اللى لما رصاص الغدر يسار الصدر خد روحه
حملته يا ناس ودم الطهر منه سال على اديه
مانيش عيسى عشان احييى ولا اشفى جراح امه
ولا محمد عشان ادعى لرب الخلق يزيل الظلم والغمه
انا المدبوح وكلى جراح على بلدى ناديت يا امايه
وحشتينى ووحشنى الحضن الدافى يامصر والضمه
وحشنى رقصى بافراحك وحشنى علمى مع نسره
وحشنى شعبك الطيب وحشنى العزوه واللمه
بقلم
=== الشاعر\راسم محمد