ط
الشعر والأدب

وحلمك فين ؟!!..للشاعرة / نادية فتوح


نادية فتوح
وحلمك فين ؟!!

وكان مصلوب على الجدران
دا كان نفسه يﻻقى لعمره بر امان
ساعات حيران .. ساعات ولهان
ومتقطع .. ومش عارف ..
يقابل روحه من تانى
تتوه منه .. وعايزة تروح جسد تانى
دواوينه غرام عمره ..
واشعاره نفس محروم
من احتماﻻت إلى احتماﻻت
وحلم إنداس ورا الحكايات
عطش فرقة ومرويه ..
دمووووع وآهات .
دموع معجونة بإبتسامات
رياح جاية مدوية ومش دريان
بتصرخ فى أنين روحه ..
أنا العطشان
و م القسوة و م اللهفة
وريد هربان ..
فى سكة خوف
وخط موازي للأحﻻم .
وان اتﻻقوا …!!
يفوت الفرع ف النخلة
يكسر طرحها المزعوم
وطول عمره بيتحايل
فى وسط هموم
بيغزل شعره م الفرقة ..
لهيب مكتوم
يﻻقى رصيده ف اﻵخر..
صكوك غفراااان
ويدخل بحر م اﻷحزان
وموجة تسلمه لموجة
بﻻ شطآآن
بيتطمن .. لكن هيهاااات!!
ويفصل همه م الفرحة
يﻻقى فرحته أناااات
مايطلقهاش
حابسها فى جدار روحه
كانت غرقانة م اﻷول
بحور و بحور من الحرمان
من اﻷحزان ..من اﻷوزان
ومهما ان كان..
حاسس إنك قوي و ضعيف
ومش غلبان
شرب قلبك بحور الشعر م الوجدان
بتنزف إنت أنفاسك
ومش خايف يشدك موت
– دا حتى الموت بقى خايف –
يضيع عمرك وﻻ عرفتتش وﻻ حاجة
عن امبارح
عن اﻵتى
عن الشطآن .
وآآآخر نبض فى حبك وقف حيران
وتانى الدمع يتحايل لنن العين
يفيض ويفيض يانبض القلب والتنهيد
وسجن الروح ..
دا باب مفتوح
وقف سجان على بابه
وفيين واقف ؟؟
دا إنت خﻻص ومش شايف غير التعذيب
وعمر طويل بيتعذب
ووسط النار واقف تضحك
من اﻹحساس .. كأنه عبير من اﻷشواق
ﻻ مرة يضيع
وتبقى ساعتها تستاهل ..
يموت حلمك على الجدران .
سجن الروح “”
** ناديا ♡ **

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى