ط
مسابقة الشعر العامى

ورقة طلاق .مسابقة الشعر العامى بقلم / طارق العجمى من مصر

( ورقة طلاق …. بقلم/ طارق العجمي) ــــــ شعر عامية ــ
(مصر _ الشرقية ) 01000268623
_________________________
بصي حبيبتي… قصدي صديقتي
يالي ف غلطه سمحت لنفسي
انك تبقي بتحملي اسمي
يالي مسحتي كل حقيقتي
يالي طلبتي تكوني طليقتي
علشان بطلب منك تهدي
ده انا لو بطلب منك تعصي
“”
كنتي قبلتي”” بصي حبيبتي
أسف جدا… قصدي طليقتي
لما يخيب الظن ف حبك
وابقي انا عندك حاجه قبيحه
ابقي استني اما ابعد عنك
وابقي انسجي م الستر فضيحه..
تصبر قلبك .. لما اهاجرك
واما بتنوي خلاص تبيعينا
للي اتمنوا يشمتوا فينا
ابقي قوليلنا هنيجي لـ عندك
علشان نضحك علي نفسينا
لما تهيني حياه عشناها
وابقي استتي عليا شوية
وانتي بتنهي حاجات بديناها
لما تبيعي وتيجي عليا
ابقي افتكري ان انا جواها
وابقي افتكري ان انا علمتك
ان حياءك سر انوثتك
وان دليل القوة ف قلبك
هو الضعف لحد بحبك
وابقي افتكري وبصي لشكلك
قبل ما اقولك ان جمالك
مش في الاحمر ولا ف مقطع
ولا في الي انتي بيجي ف بالك
ده انا من يوم ما وعيت وعرفتك
عمري ما سبتك تايهه لوحدك
انا خططتك وانا سطرتك
انا ربيتك وانا كبرتك
وانا علمتك ان مشاعرك
لما بتسكت.. تبقى بتغضب
واما بتنطق تبقى بتعتب
يبقى ماجيش اتحامى ف ضلك
وانتي الشمس بتخرق جلدك
يبقى ماسيبش السر في بيرك
يبقى عليه استأمن غيرك
مانتي نويتي خلاص على غدرك
شكرا ليكي __ بس اديكي
لو تتمد ف يوم ل إديا
عمري ف مره ما هقبل توبتك
وابقي اعتبري رسالتي دي ليكي
هي ورقتكــــ // وانتي براحتكــ

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى