ط
مسابقات همسهمسابقة الشعر

ورقه وقلم ..مسابقة العامية .للشاعر / محمد سعيد من مصر

ورقه وقلم 
ورقه وقلم بارسم علم
احمر ابيض ولبس اسود
لبساه حداد ع اللي اتفقد
…. مين زيها مات ابنها
يا صبرها يادى الجلد 
الاحمر دا دم ابنها 
والابيض دا كفن الولد
الأم جايه من بعيد تسال
عليه فين ابنها؟
…مين يقدر يشوف دمعها
لاو مين هيقدر يقولها
يا أمى راح عمره انتهى 
كان في ايدها لبسه الجديد
شايلاه لنهار يوم العيد
ماسكه صورة بتنده عليه
حد شاف ابني يناديه
كان معايا و بعد بعيد
عاوزاه يشوف لبسه الجديد
اللى بإيدى أنا أشتريت 
حد شاف ابنى العريس
بضحكته اللى مالهاش مثيل 
كان بيتبسملى كتير
حد شافه يقول ياريت !!
قمحى لونه وشعره أسمر
لا هو طويل ولا قصير
عينه سمرا بلون ترابها
قلبه أبيض دا أملها 
حد شاف ابنى ياناس 
لبسه عجبه ولا لا
الشاب دا مش غريب 
صورته ليه مالية المكان؟!
تعالى كدا قرب كمان 
نظرى ضعف من زمان
حطت إيديها على قلبها 
إبنى أنا صورته هنا؟!
دا كان معايا فجأة جرى 
سابنى ساعتها وانا باشترى 
ايه اللى حصل ايه اللى جرى 
الدمع حضن كفها 
لما قالولها انه انتهى 
طلقه رخيصه صابت قلبها 
خدت معاها ابنها 
ورقه وقلم أصل الحكايه
طلقة رصاص 
بعدها يزيد الألم 

محمد سعيد من مصر
مشاركه لمسابقة همسه” ورقه وقلم “

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى