ط
مسابقة الشعر العامى

وطنى حبيبى . مسابقة الشعر العامى بقلم / سامى محمود حنفى من مصر

سامى محمود حنفي
القاهرة – جمهورية مصر العربية
غنائى عامى

وطنى حبيبى
…………………
ضحكوا علينا زمان وقالولنا
وطني حبيبى الوطن الاكبر
صدقنا الكدبة بكل سذاجة
لا يوم كبر ولا لسه اتغير
و رددنا حروفها بغبغنات
من يومها وطنى بقى بيتدهور
وطني .. وطني

وطني يا محير عقلى تملي
ايه صابك قولى صارحني
ياللي باعوك كل الصفوه
واشترك الكل عليك ف مؤامرة
كنت كبير للعلم منير
للعالم كله ب ايديك امره
يا وطني

كان المجد هوه شامتنا
كان النصر يبقى غايتنا
كان الحب ما بين شعوبنا
اجمل حاجه جامعة ما بنا
بين مصر وفلسطين
كان الجامع لقارتين
قطر الشرق بينا يواصل
جسر الحب هوه الواصل
رمز لحب الشعب العربى

قوميتا وضيعناها
لما بعدنا واهملناها
واتفرنجنا بقينا نتكلم
بلسانهم هما مش بلغُانا
سوريا فين والجولان
واليمن والا السودان
اتقسمنا قوتنا راحت
ووحدتنا خلاص اهى ضاعت
والحكاية جدا باخت
يا كل شعوب الوطن العربى

وطني يا اغلى وطن ف الدنيا
وطني فينك رد عليا
فين ريادتك فى الميادين
فين كفاحك للعبودية
من ايام مينا للقطرين
والعوام وصلاح الدين
وابن سينا والخوارزمي
وابن رشد وزيه اسامى
فين امجادك وطني العربى

وطني يا راضي على استعمارهم
ومصدق كدب مساعدتهم
لو كانوا عايزين جد يساعدوك
كانوا حجموا صهيون حبيبتهم
انما يا خسارة قادرم يلهوك
بداعش اخر صناعتهم
والا نسيت حركة طاليبان
اللى كانت برضوا حجتهم
فكر حبه يا شعبي العربي

وطني لخيرك هيا اطماعهم
وبعلم تاريخك بنوا امجادهم
وكل الداير جوه عقولهم
زاى يبنوا بيك امجادهم
خادوا بترولك وادونك نار
تقتل بيها جنبك جار
نسوك ان الآهك قالك
ان الوحده سلاح جبار
يلا اتوحد وطني العربي

وطني ارجع لأنتصاراتك
خلى حلم الوحدة حياتك
ب فلسطين وعراقنا الحره
واليمن وليبيا وسوريا
والامارات ويا السعودية
تتحقق وحده عربية
بأيدين كل الشعب العربي

كلمات / سامى محمود حنفي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى