ط
الشعر والأدب

وعهد الله== بقلم عونى هشام

عونى2
==============
وعهد الله كتاب الله برئ منكم
وعهد الله انا عمرى ما اكون بينكم
منكم كل شئ معيوب
ولابسين الف توت على توب
وليه الحقد مالى عينكم
——————————-
بتجمعكم … فتنه مالها اساس
وبتحبوا عذاب الناس
كل الكُره فى قلوبكم
عقولكم …مرتع الوسواس
——————————-
يا ناس الرحمة مطلوبة
بلدنا حالها مقلوبة
كفاية دمار بايديكم
سيبونا نقوم بها النوبه
——————————-
خراب فى خراب ودا هدفكم
ومين يسكت على دا الحال
رسمتوا خرابها بحروفكم
لكن هيهات دا بعد محال
——————————-
ياريت تعيشوا وسطينا وتبقوا اناس
كتاب الله فى عنينا ومعاكوا انداس
حرام والله ايمانكم صبح افلاس
اهانتوا كتابنا بايديكم بدون احساس
—————————————
كتاب الله فيه آيه ليوم الدين
مصر امينه ومأمونه وشعب امين
تفسر سورة على كيفك تسيب تلاتين
تقتل اخوك وتقول اننا كافرين
———————————-
بتعمل كل ده ولمين
قبضت من الفلوس ملايين
ودم اخوك صبح فكة
وحساب ربك فى يوم الدين
——————————
\\\\عونى هشام\\\
موجة الى كل ضمير مات — الى كل يد تريد العبث بامن مصر
الى كل واحد نسى دينه واتبع الهوى– الى كل من نسى
انه سيلاقى ربه فى اليوم العظيم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى