وهكتب ليه .مسابقة الشعر العامى بقلم/ أحمد مدحت شعبان سرحان.مصر

الاسم / أحمد مدحت شعبان سرحان
اسم الشهره / أحمد سرحان
البلد / البحيره – مصر
رقم الهاتف والواتس / 01093399343
نوع المشاركه / الشعر العامى
عنوان القصيده / وهكتب ليه ؟

وهكتب ليه
مادام الحب مش نافع
وإيه الدافع
نعيد الهم من تانى
وتظهر فيه أحزاني
وتيجى الضلمه بعد النور
جناح الحب كان مكسور
لا قادر يرفع الرايه
ولا قادر يعيش مستور
يامستنى الجراح بالدور
دا عالم زور
وكله بيهرى ع الفاضى
ومين فينا اللى كان قاضى
عشان يحكم بإنه جميل
اساسا كله كان تمثيل
دا وهم وكدب وخيانه
آثاره لسه جوانا
بتسرى جوه حضن الليل
علامه الحب ف التأويل
دموع وفراق
وناس تشتاق وناس تانيه
وناس ف العشق كات فانيه
وناس دراويش كلامها مفيش
بتسرح بس ف الملكوت
بتسمع حزنها ف سكوت
فيجى الليل فتتألم
فتحضن جرحها وتموت

أحمد سرحان