ياااااااااه عليك لما كانت كل كلمة بصدق تطلع من عنيك وف ايديك احلى غنوة رغم جرح السلك فيها والبلاط بس دايما وقت فرحك حتى جوا المعتقل كان أمل بفتكرلك يا فاجومى لما كان دايما ابويا وكنت عيل لسه ماسك طرف ايده كان بيغنى غنوة ليك كنت بحلم لما اكبر انى اكتب شعرى كله واتعلمة وانا بين ايديك ما انت بيت الشعر منك كان نفس كان يموت لو فى لحظة يتحبس ياااااااا فاجومى شعرى قام عمال يصرخ ياناس سيبونى نفسى اطلع من هدومى والميزان عمال يميل وانت نايم ليه هناك برضه وحدك لو بايدى كنت اجرى ويا شعرى واكون معاك آآآآآآآآه يا نجم كل ورقة توت فى اغصان الوطن وقعت وراك رحمة المولى عليك يا معلم يا ملاك
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
