ط
الشعر والأدب

يابهيه ….شعر / رمضان فراج

رمضان فراج
يابهيه ….
يازينة الصبايا
ياعروسة النيل
ف عشقك
انا بيعت
الل قدامي
والل ورايا
والحمل اصبح
ع الكتاف تقيل
مافضلش
غير الكلام معايا
بس مين ..
يشتري المواويل
يابهيه
انا كنت اجدع
من يرقص
بالعصايا
وياما رقصت
معايا الخيل
سنين
وعشقك جوايا
عايش عذابك
ومش لاقي
للدموع مناديل
قالوا
عيونك مرايا
شوفت
فيهم نفسي
لابس عبايا
وف الحقيقه
كسوتي هلاهيل
يابهيه ليه
عشقاك ضحايا
وانا قدامك
ان كنتِ لسه
محتاجه لدليل
يابهية
انا اللي هويتك
وهديتك
برضايا
كردان مرتي
وجوزين خلاخيل
وفديتك
بولدي ضنايا
لما رجعلي
من على حدودك
قتيل .
ولسه والله يابهيه
افديكِ
بروحي
وبكل شيئ
في حياتي جميل
بس انتِ تفضلي
مرفوعه الراس
والرايا
ترفرف
ف سماكي
طول النهار
والليل
الشاعر / رمضان فراج

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى