ط
الشعر والأدب

ياعاشقين الهوا ..قصيدة للشاعر / نور الدين سعد

نور الدين سعد
يا عاشقين الهواء
ومصليين عصره
ادي المون اتشرب
قبل أوان عصره
اشرب ده كأس الوجع
ليك وصنعوه
واسمك موجود عليه
بالهم كتبوه
ويروح لمين غيرك
وهو عندك نصره
هاتي كمان عليا
زيدي حلبة ومرار
افرش عجين ابيض
تجري على الباشكور
وجيب عليه النار
ياللي هواكي عذاب
يا معذبة الاحباب
يمشي وانا الخايف
وبهرب عطول من الناس
حبك جلب لي العار
بجري ولسه بدور
وهمومي وراثا
في حزني باكية معايا
وفي فرحي محتاسة
أرضك ملاها الخوف
والخوف تملي خايف
أجري اقف قدامه
يعمل كفيف مش شايف
ومنين عايزة اقولك
يا عشقي من البداية
وانا لما لقيت عسلك
وصنعته من غضبك
قدمتي العيش ناشف
بغرق وانا البحار
ولسه عيزاني
اكتب قصائد غزل
يا مشرباني المرار
امتي هطوق العسل
مالك يا سمرة
عطول بتبكي
والدموع عرفت عنيكي
عيروكي اكمنك سمرة
ولا مديدي اديكي
السمار لو اكتم
يكون هو كل الجمال
ولو رجعنا شوية لورى
هلاقيكي وحدك واقفة
وكل اللى حوليكي جبال
وانتي اللى بنتيها باديكي
ومين زيك
علشان يقعد يحاكيكي
واول علم كان منك
وكمان نهر من الجنة
جرئ فيكي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى