ط
الشعر والأدب

يا غزالي..قصيدة للشاعر / رمضان العلالقة

رمضان العلالقة
~~~~~
شاغل بالي معاك يا غزالي
يا محيراني إيه اللي جرا لي
لما بتبعد عني و تمشي
لآء مقدرشي ارجع تاني
مرة تقرب أكتر مني
و مرة تروح و تغير حالي
أجري وراك و ألف الدنيا
كل دقيقة معاك تحلالي
قلبي دايب فيك من همي
بفتح أيدي و أضم خيالي
و ارسم صورة بشكل ملامحك
صورة رسمها و صورهالي
قلبي اللي بتبعد و يسامحك
يمسح جرحك و يقول غالي
اسأل ليل الشوق السارح
و نجمة في حضن السما بتلالي
بتقول بكره أو في أمبارح
بغزل خيط الشوق طوالي
مهما تزعل أو تخاصمني
و أسهر أعد لوحدي ليالي
و أشوف طيفك و يكمني
و افضل أفكر فيك مش داري
حبي في قلبي و شوق ملازمني
بيطمني عليك يا غزالي
~~~~~~~~~~~~~
بقلم / رمضان العلالقة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى