ط
الشعر والأدب

يا مصر إنت الفرحة و الاعياد ..للشاعر / راسم محمد

12020013_1637692096520468_5383807372582579982_n
=-=-=-=-=-=-=-=-=-=-=
اسمك لوحده بلسانى لحن
وبقلبى حبك فرحة و عيد
الخلق بيباركوا ويهنوا
والكل لابس توب جديد
وانا اللى فوق كتافى علمك
و يا بلدى بيه فرحان سعيد
ومن غيرك انتى يا مصرنا
يا ام الهرم والنيل والسد
دا انا بعد عشقك يا بلدى
ما يملا عيونى غيرك حد
ميعرفوش ان انت عندى
اسمى فرحة واحلى عيد
دا انت كحكى و السكر
وانت اعظم شىء اكيد
و كل ما باشوفك باكبر
و الف مره بازيذ و اعيد
كل لحظة وانتى عاليه
ويا بلدى بالعين والفؤاد
كل عيد والنسر يضوى
على العلم برق و رعود
وكل عام وجيشك وشعبك
حاميين حماك ديما اسود
دا انتى كل حاجه لينا
هواك مسك ونسيمه عود
من المنزله لاسوان لسينا
هنقيد شموعنا على الحدود
دا انت المركب والسقينة
يا جنه وشبابها الورود
يا ابهى شط واسمى مينا
وجنودك ابسل جنود
تملى بقلوبنا و عنينا
باقية يا بلدى للخلود
بقلم
=== الشاعر \ راسم محمد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى