ط
الشعر والأدب

‏طالب‬ ‫‏في‬ ‫‏الثانوية‬ ‫‏العامة‬ للشاعر / أحمد عزت

أحمد عزت
انسان اتحدى ظروفة
وحياته بقت معدولة
مش همشي شمال
وأخالف ……… تفكير
العقل……….. التالف
هنجح وهحقق حلمى
وهكون طالب شطور
مش فارق أدبي وعلمى
مش لازم أكون دكتور
ما أنا ممكن أبقي محامى
وأدافع عن مظلوم
أو أفرح ناس بكلامى
وأكون شاعر مشهور
أو أكون أحسن اعلامى
وبصدق كلامى فخور
أو أمسك أى وظيفة
وألاقي حياتى نظيفة
مش كل الهم فلوس
وعلى كل مبادئى أدوس
قبل ما يرتقي تعليمى
لازم أعلى بأخلاقي
قبل ما يبدأ تعتيمى
أنا هبعد عن أهوائى
وأستخدم مرة ذكائي
أنا لازم أكون تلميذ
معجون من طينة مصر
وهكون طيب ولذىذ
وأشطر واحد في الفصل
هذاكر كل دروسي
ومش واخد درس خصوصي
ها وضع للمهزلة حد
مش هقعد ع الفيس بوك
وهقضيها جد في جد
مش همسك فونى وألوك
وأحط الايد ع الخد
أنا ممكن أريح ساعة
وأقعد مع بابا وماما
لا سيجارة ولا ولاعة
والصحة تروح في ندامة
هسمع قرأن في اذاعة
ويعدى اليوم بسلامة
وأرجع …..أذاكر وأكمل
علشان أحقق طموحاتى
وأكبر وأنجح في حياتى
( أحمد عزت )
***********

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى