ط
الشعر والأدب

ياما نفسى يحس بيا..بقلم / عماد الشاعر

ياما نفسى يحس بيا
وحكيلو اللى فى قلبى
الشعر اللى فى عينيا
الحانه كلها من حبى
*************
بالورد فرشت طريقه
والشوك مشيت عليه
فى الاول كنت صديقه
دلوقت بموت انا فيه
خد منى القلب وشده
عماد الشاعر
ورسم الدمع على خده
لو مابخافش من صده
لاخدته من ايدو دربى
*************
ياما نفسى يحس بيا
وحكيلو اللى فى قلبى
**************
كلامه كله غرور
وماحدش مالى عينه
اسكت وانا مكسور
وقول الامل فينه
يداوى قلب جريح
حبه بدون تصريح
وخايف يكون صريح
بس لامته هيخبى
************
ياما نفسى يحس بيا
وحكيلو اللى فى قلبى
*************
علشان هو يعنى قمر
يتعاله عليا كده ياناس
مع انى بيدوبنى السهر
راح اخالى النجوم حراس
ولسما صافيه علشانه
والشمس تدفيلى مكانه
ويوم مايسقينى حنانه
هيعيش فى جنة قربى
**************
ياما نفسى يحس بيا
وحكيلو اللى فى قلبى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى