الدنيا .. مسابقة شعر العامية بقلم / ناصر على توفيق من مصر

الاسم : ناصر على توفيق
العنوان : سوهاج – مصر
المشاركة : قصيدة بالعامية ( الدنيــــــــــا )
للمشاركة فى مسابقة همسة
تليفون : 01116673899
———————————-
( الدنيا )

أنا قلت اتمطع واتمرد
وافرد جناحاتى المكسورة

واهزمها الدنيا المغرورة
زى الكورة

تضربها برجلك تلاقيها
ترشق في الجون

مجنون اللي يجيلها تسلل
مهما يحَّول دفتها

هترجع م الأوَّل
برة الصندوق
وساعتها يفوق

على صفارة حكم الملعب
هيصَفَّر تووووت

يمكن تتطوَّر في ساعتها
ويديها كروت

الدنيا دى لعيبة لاعبها
أوعى تعيبها

يمكن تتحاور تغلبها
أوعى تسيبها

الدنيا دى لما تكشرلك
اديها بالبوت

ولا ترمى المنديل وتسلم
الا اما يجيلك ملك الموت

وإن ضحكت أوعى تصدقها
افردلها صفحت ايامك
لم ورقها

ولا تكتب يوم انك قادر
القادر هوَّ اللي خلقها

راح تاخد إيه مهما تسافر
أوعاك تتغطى بخلقها
تصبح عريان

متهان اللى يحادى عليها
خسران اللى يتاجر بيها
ندمان اللى اتعلق فيها

وان دُرت معاها الدوَّارة
تصبح شيطان

غلطلن اللي اتدلل فيها
مليون غلطان

قوم لملم ايامك والحق
فتافيت العمر إل بقيالك
قوم سد القرض

وأدان الحق اما ينادى
قوم أدى الفرض
—————————-
ناصر على توفيق