ط
مسابقة الشعر العامى

معنى الوطن.. مسابقة الشعر العامى بقلم / حلمى قاسم من مصر

مسابقة همسه
شعر عاميه
بقلم/ حلمى قاسم على

“معنى الوطن”
********
فيه حاجات
بتعيش يدوبك كام ساعات
وفجأه ترجع تختفى
وكأنها كانت مفيش
و فيه حاجات دايماً تعيش
بنفتكرها وتبقى فينا ما تتنسيش
زى كلمه قالها مره
فكرى طه الباتشويش
هى كلمه بس كانت كام سؤال
لسه فاكر يوم ما قال
يعنى ايه كلمة رجال
يعنى ايه معنى النضال
يعنى ايه انك تضحى
لأجل ما يعيش الوطن
يعنى ايه عيله وسكن
يعنى ايه معنى الوفاء
وازاى يكون بينك وبين
ارضك وبلدك انتماء
يعنى ايه كلمة ولاء
جاوب يا دفعه ع السؤال
يعنى ايه معنى الإراده
وكيف يكون الإحتمال
لسه صوته جوه ودنى
اصلُ كان عمال يزعق
قال نصيحه اسمعها يا ابنى
اوعى يوم لخسيس تصدق
يومها كان فارد ايدينه
والعرق حاضن جبينه
والحماس باين ف عينه
وقال سكوت….. ثابت يا جندى
الاجابه هقولها وحدى
واى حاجه قولوها بعدى
انتباه ركز وصحصح
بُصلى وخليك مفتح
الرجوله ماهيش كلام
ومش مظاهر والسلام
الرجوله ف الأدب و الإحترام
اما الوطن..اه م الوطن
اااااااه م الــــــــوطن
هو الغريب معقوله يعشق غربته ؟!
هو السمك يقدر يفارق ميته
طب هو مين يقدر يعيش
إحساس وروح من غير بدن
هو ده معنى الوطن
حضن وسكن زرع وبيوت
يعنى احنا من غيره نموت
وعشان كده لازم نحس الإنتماء
لازم يكون بينا وبينه فيه ولاء
لازم يكون فيه ارتضاء
على إن ده هــــــــو الوطن
روحنا وقلوبنا له فداء
فاهم يا جندى يا مستجد
يعنى لازم تبقى ديماً مستعد
عامــــل حسابك
حـــــارس ترابك
من اى ظالم مستبد
وف لحظه قولنا كلنا
من غير ما حد يقولنا
عاش الوطن عاش الوطن
عااااااااااااااااااااش الوطن
************
قلم/ حلمى قاسم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى