أخبار أعرف أكثر

الفنان الشاب ماهر عصام يجرى جراحة خطيرة لوقف نزيف بالمخ ..دعواتكم له بالشفاء العاجلالنساء قوامات على الرجال ..مقال للكاتبة السعودية / عبير سمكرىجورج كازازيان يعزف للورود الراقصة بـ”الأوبرا”أعانق منك الروح بلهفة ..للشاعرة السورية / نجلاء موسىمسابقتان للشباب والاطفال فى مهرجان الموسيقى العربية الـ 23

مانيش جرافتة لسيادتك..قصيدة ولا أروع للرائعة/ نادو فتيحة

نادو فتيحه
مانيش جرافتة لسيادتك

حتلبسنى و تضايق
و بعد شوية .. تقلعنى 
.
منيش دبوس دهب للبدلة 
تشبوكنى و تتعايق 
تروح مشوار و تخلعنى 
.
أنا منك .. 
مينفعشى لا تستغنى 
و لا تقسى و لا تنسى 
و لا منك تضيعنى 
.
انا حبات عرق جسمك 
بريحة الفل
جَمال شِعرك ياسيد الكل
و هالة نور بتتحرك معاك 
و معاك بتجمعنى
.
و مهما تاخدنى آلامى 
و تيجى عليا .. أيامى 
و بالأحزان تقطعنى 
.
لو اسمع إن فيه شـَكة
حتوجع صوبعك النونو
عليك أجرى 
فداك عمرى
و ألمك جوة نينى العين
يشكشكنى و يوجعنى

Share
  

Comments

comments

همسه 2014/03/18 5:35ص تعليق 1 12

واحد تعليق علي

  1. كرم أبواليزيد

    مساءالابداع الملهم .. انا كنت كاتب القصيدة دى رد على قصيدتك الرائعة يا دكتور مع الفارق طبعاً بين كلماتى الباهته و حروفك المضيئة

    لا جرافته ولا دبوس ولا بدله
    بترسمنى و أكون لايق
    دى لمسة إيدك الحلوين على البدلة
    كفاية إنى أكون عايق
    ولا عنك أنا أستغنى
    حبيبى كفاية تضايق
    ده أنا عاشق هايم فيكى
    و أنا نايم و أنا فايق
    و بتعجب أوى فى حيرتك
    يا إللى عينيكى ملكانى
    ده أنا لو غيبتى يوم عنى
    أحس الدنيا ظلمانى
    و بتحول فى لحظة لوحش
    يكسر كل أركانى
    و برسم فى الهوا صورتك
    تضم الصورة أحضانى
    و بس أسمع صدى صوتك
    ألاقى الحزن ينسانى
    و حتى لو كلامك وهم
    حبيبتى برضه أنا الغلطان
    ده انا على نفسى أجيب اللوم
    ولا ليلة تبات زعلان
    يا ريحة الفل فى عروقى
    أنا بحبك بكون إنسان
    و لو ممكن تسامحينى
    هـ أضم الدنيا بالأحضان

    رد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *