ط
اعمال

ولما نهر النيل بيغضب ..للشاعر عادل غتورى

ولمّا نهر النيل بيغضب
ينتفض شعرى مدافع
الكلام طلقات بتخرج
زى زخات المدافع
امى قالت.. هدهده
مش هتمنعنى موانع
النيل دا اصل محبتى
هو بعد العشق دافع؟

ومعدش ف فصول السنه غير الخريف
وبننتظر.. زى الشجر.. هلة ربيع
الوهم فرّخ فى العقول وعلى الرصيف
التوهه عنوان السكك…. تاه الجميع
واتشعبت بينا المسالك واللى سالك للضياع
الايه واضحه فى الكتاب
.مصر لايمكن تضيع.
غيرنا بيعمل مالفسيخ أجمل عصير
واحنا بندفق غلنا فى لبن الرضيع
غيرنا بيزرع ف الصحارى حلمها
وبنسحل الحلم الجميل….. ينهار صريع
لما جه الفجر اللى تاه عن سكته سمعنا الأداان
واللى كان ماشى وغيره مسّنده اصبح بقوة 100حصان
واتزحزح الجبل المرابط فى الحلووق
وبدأنا نسمع صوت ..فاروق
واحمد أخو محمد
وإسحاق ابن جرجس .
.حتى بنتى النونو نورا
وبنت اخويا سعيد..شروق)
و تحرك الركب المسافر للعلا
من غير حادى
زهراتنا ابناؤنا فلذاتنا
تهتف تنادى

(ارحل يعنى امشى..يالى مابتفهمشى)
بان التاريخ واقف بيهتف فى الميدان
ماتنجسوش أطهر مكان
وماتشتكوش غدر الزمان
كل شىء ممكن يضيع
يفضل.هنا.الانسان
انتهى الليل اللى طاااااااااااااااال
وبدأنا نعمل فى النهار
أعمال صغار
ووصيه الدم اللى ساااااااااااال
اتجمدت فى عروقنا تلج
وهى نار
جمدها مين؟
جمدها ….اولاد (….ح
الصفوه عزف جنائزى
خطو موحد صوب هاتيك الكراسى
بالنخبة ينقطع الرجا
فإلاههم معبودهم…. وسواسنا الخناسى
اناعمر سيف الحق ما تكسر فى ايدى
انا مش هضيع
يا إلاهى
وأنت مطلع سميع
اهدى أبناء الكنانة
اهدى للخير الجميع

وتْرجّعى ياامّو التاريخ عهدك بقى
طبلية كانت من خشب واتكسرت
ولعت حبال المشنقه
يامحسنين
بلاها كتر اللأ لأه
الشمس هى الشمس حتى بدون نهار
والنسر هو النسر عمره مايبقى فار
والصبر أحلى من العسل ومافيه مرار
كل اللى ليها فى ذمتى دلوقتى قلته
وماعدش باقى فى جعبتى غير القرار
فإليكموو نص…القرار
البُعده اخوانا ..الكبار
مصر كانت قبلكم أكبر نهيبه
ودى الحقيقة… حتى لو كانت غريبه
لكن عليكم تعلموا….ان اللى يرفس منكم
راح نحبسه فى أوسخ زريبه
(اسف على اللفظ اعذرونى بحبها
وقصيدتى دمعه فى حب امى سكبتها
والدمعه.. دمعه. .. بمرها. وبملحها متذوقه)

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى