“حَمره يا قوطه”
***********
وانا ماشى ف قلب السوق
وحواليا البشر الــــــــوان
زحمــــه كتير وناس ياما
شمال ويمين ف كل مكان
سمعت بودنى صوت هادى
ببص عشان اشوف فيه ايه
لقيتها قاعــــده بتنادى
معايا قــــــــوطه مجنونه
بسله وكوســـــه يا ولادى
خدتنى رجلى ناحيتها
عشان عجبتنى ضحكتها
همست وقولت كيف حالك
وليه هونتى على عيالك
قالتلى الحال على قده
وابنـــــــى راح قابل ربه
وسابنى ف همى غرقانه
اقاسى وحدتـــــى بعده
حملى تقيل اوى يا ابنى
ليل ونهار مغلبنـــــــــى
بقى لى سنين وانا صابره
شبعت آسيه ومهابره
وفقر عنيد ما بيسيبتــــى
كلامها رن فــ ودانــــــى
وحرك فيا وجدانــــــــــى
شافتنى حزين ومتكدر
قالتلى الحزن علشانى؟!
الاهى يحرسك يا ابنى
روق فك وافردهـــــــــــا
بلاش زعلك يزودهـــــــا
كفايه الحزن فـ قلوبنــــا
علي الضحكه وعاندهـــا
دى دنيا رخيصه ولا تسوى
وطول ما اللقمه والكسوه
وستر المــــــولى ويانا
هنرمى همومنا وندوسها
يا ولدى يا ما هتلاقــــى
كتير زيي ف اخلاقــــى
بياكلوا اللقمه بعرقهم
ويرموا الحمل عـــ الباقى
سمعت كلامهـــا للأخر
وقبل ما اسيبها واتاخـــر
قالتلى نصيحه يا ضنايا
تسيب الحكم للأخـــــــر
*******
