ط
مسابقة الشعر العامى

خلي قصه حبنا تندفن جوانا .مسابقة العامية بقلم / صادق زين من مصر

خلي قصه حبنا تندفن جوانا
صادق زين
اسوان
ت/01140966142

خلي قصه حبنا تندفن جوانا اللى بنيناها من سنين
ماهي دنيتنا من الاول معاندانا ومخلياها طين
حبنا كان سرقه
ولقانا برضو سرقه
حتي كلامنا سرقه
كأننا لصوص محترفين
حبنا كان كفيف
عمره ما شاف النور
قلنا نخليه حب عفيف
ونخبيه جوه الصدور
اتاري دنيتنا برضو معندانا ومشيلانا طين
قالوا النصيب غلاب
وياما جمع وياما فرق احباب
واحنا انكتب علينا الشقي والعذاب
جمب بعض لكننا متغربين
خلي قصه حبنا تندفن جوانا
ما هي من الاول دنيتنا معندانا
لو في يوم حكيتي عن الحب لولدك
اوعي تجيبي سيرتك
علشان ما تشوهي صورتك
اصل الحب عيب حدانا
وهيفضل جوانا سجين
انا عن نفسي هقطع كل الذكريات والقصائد اللي
كتبتها فيكي انتي
وهعتبر حبنا مات وكأنك ما كنتي
ولا اقولك خلي قصه حبنا تندفن جوانا اللى بنيناها من سنين
ماهي من الاول دنيتنا معندانا ومشيلانا طين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى