ط
الشعر والأدب

قصيدة ( وجع اليتم ) مهداة لروح الفنان الشاب هيثم زكى بقلم الشاعر / عماد البدرى

إلى روح الفنان.. .. الشاب هيثم أحمد زكي ـ

….. وجع اليتيم…..

عاش لوحده

مات لوحده

راح لأهله

كان يتيم

عاش ف دنيا

دنيا تانيه

كان بيكتب

شئ غريب

قام بدوره زي أبوه

كان يحب الفن دايماً

قامت كل الناس حبوه

كان يحب الضحك دايماً

عاش يتيم

أهو مات لوحده

كان بيكتب شئ غريب

ساب حياته

وراح لأهله

يازمن أمرك عجيب

كان يقول الدنيا حلوه

كان بيظهر بإبتسامه

كان يغني أحلى غنوه

وهوه شايل جرح ياما

عاش لوحده

راح لأهله

كان يتيم والدنيا غابه

ليه يادنيا بتيجي دايماً

ع اللي عايش م الغلابه

ليه بتيجي بجرح دايماً

وانتي يادنيا الطيابه

كان بيبكي

كنا نبكي

ولما يفرح

كنا نفرح

راح وساب في الدنيا مطرح

دنيا ظالمه لليتيم

تبكي عيني وروحي تسرح

افتكرت إني يتيم

عاش لوحده

مات لوحده

راح لأهله

كان يتيم

راح لأهله

كان يتيم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى