قصيدة : بكره الحياة .مسابقة الشعر العامي .بقلم / محمد علي محمد

الأسم / محمد علي محمد
اسم الشهرة / محمد علي حسانين
البلد / جمهورية مصر العربية

لينك الأكونت الشخصي /
https://www.facebook.com/profile.php?id=100015196325817&mibextid=ZbWKwL

بكره الحياه تضحكلي من تاني

ليه لما بخلق م الظروف فرصه
يقابلني ليها الجهل بالمرصاد
بحفر بفاس العزم في التُربه
تظهرلي صخره توحي بالأحباط
مُغرم حياتي تضمني ضمه
مُغرم اعيش كعيشة الصياد .

سواح وليل العشق كان توبي
بياع ببيع الصبر من نوبي
لا قادر إني اعيش في يوم مرتاح
ولا قادر انسى الماضي من يومي

عايش و ماشي في الحياه حالي
راضي بقليل الفَرحْ لو جالي
بحلم اسافر بين قلوب الناس
الحب فَرشي والرضى زادي

لأمتى يا دنيا هتفضلي إتعادي؟!
بحرك كبير لجراحي دا شافي
عشمان في شربة تروي لي جفافي
لو انتي بايعه يادنيا أنا شاري

لو مهما زاد الحمل أنا هكمل
صعبه الحياه والشِدة بتعلم
أنا لسه واقف برضو ومصمم
بكره الحياه تضحكلي من تاني.