قصيدة : صور ملهمة . مسابقة الشعر العامي بقلم / هالة رفعت جاب الله

قصيدة بالعامية المصرية

#صورة_ملهمة

الخوف بيفجر ألف اهه محمله

وجع الكلام

من غير كلام

زي الهوا

خرابيش جروحه

مش تمام

كانت دليل

ف ليل عتيق

إن الوجع هو الغرام

لسه الزمن

بيعلم الناس الحقايق

والصدق غايب

حتى في الصور القديمه

ساعه الحنين

ما احناش شقايق

الغربه والليل والفراق

متغربين عن بعضهم

ف لامتى هفضل انزفك

ماتداري خوفك حبه

عن قلب الصبايا

بلاش خداع

أنا مش هلوم قلبي

الل صلى يوم ماشافك

ولا هنكسف

لو يوم هعنلن

قد ايه العمر راح

و الحب عنوان مستباح

فارسم عيونك

اللى كانت يوم وطن

تغريبه

وجدار م الحنين

نفس الطريق

الل شاف نظره عيونك

تزرعه عواميد ونور

يحلف

بان النظره منك

معجزه

جوه برواز الزمن

صوره ع الرف القديم

فى خيالى كانت ملهمه

…………………..

هالة جاب الله