ط
الشعر والأدب

‏درويش‬ ..قصيدة للشاعرة / ريهام سمير

كل البنات بيعدوا على قلبه
عاشق وعايش فى الهوى درويش
داقوا الصبايا الشهد من حبه
وانا من شهد حبه ماليش
يوماتى يدور على بيوتهم
يصب المية فى كفوفهم
ويجيلى يقولى مافيش
يبات سهران على بابهم
و فى وشى يرد الشيش
ماهما قدموا ياما فروض للحب والطاعه
وانا فى الهوى معاييش
انا وحدى ال حبيته
ومهما تاه جواهم
انا بيته
لكن حضنى ماهواش ريش
انا حضنى قاسى كالحجر
كالجريد والخيش
وحبيبى واخد ع الترف
وانا
فى االهوى معييش

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى