ط
مسابقة الشعر العامى

أجمل وطن . مسابقة الشعر العامى بقلم / عبدالله سيد أحمد عبدالبديع أبوالنصر من مصر

الاسم: عبدالله سيد أحمد عبدالبديع أبوالنصر
الدوله : مصر
العنوان : ميت غمر / دقهليه
شعر
عاميه
قصيدة (أجمل وطن )

كنا في يوم أجمل وطن
الحب بيجري في دمنا
كنا نعامل الغريب
وكإنه واحدمننا
دايما نقابل بعضنا
نرسم فرحنا في وشنا
ومهما يكبر همنا
نلقى الاماني في قلبنا
واقفه تقول لليأس لأ
انت مكانك مش هنا
وبعد ييجي كام سنه
بقت حياتنا معكننه
تلقى الأخ ويا أخوه
يتخاصمو أكتر من سنه
إيه اللي حصل ..؟
إيه اللي جرى ..؟
مبقاش في خوف على بعضنا
مبقاش في نخوه ولا حتى عيب
ما بقاش في حاجه تهمنا
ومهما تكتر الذنوب
مبقاش في خوف من ربنا
ونرجع نقول الحلم ضاع
ليه يارب ..؟!
اشمعنا أنا ..؟!
اعقل وتوب يابن آدم
قوم استغفر ربنا
إرجع لربك من جديد
ادعي انه يغفر ذنبنا
كتر الخطايا والذنوب
فنان بيرسم همنا
ربك غفور وكمان رحيم
وعفوه أكبر مننا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى