ط
مسابقة الشعر العامى

أنا مش شاعر .مسابقة الشعر العامى بقلم / محمود عباس محمد سعد .مصر

محمود عباس محمد سعد
كفر الزيات غربيه
01022775817
شعر عاميه
اسم القصيده
انا مش شاعر

اوعه تفكر انك وحدك بس بتكتب
وانك بس لوحدك شاعر
كل الناس بقلوبها بتكتب
بس الفرق ف وصف مشاعر
وانا مش شاعر
انا مش شاعر شئ دلوقتي
ولا جوايا كلام موصوف
مبقاش حتي الوقت دا وقتي
انا دلوقتي بحس بخوف
ليه مش بكتب اي حروف
كنت بشوف الدنيا قصادي
وعمري ماكنت بعيش ف الماضي
وديما راضي
بكل مايقسم ربي وعايش
وانا مش طايش
بس الفرق مابيني وبين احلامي حقيقه
كنت بعيشها ف كل دقيقه
كنت بشوف الفرحه تعدي
قصادي تهدي
ماتسلمشي ف مره عليا
انا ايه فيا
هوا انا ايه مكتوب ف ايديا
خط الفرح قصير
وللا اتغير
وللا الكون كله بيتغير
انا متحير
امتي القالي جواب لسؤالي
يغير حالي
واشوف الدنيا بمنظور تاني
وارجع وامسك قلمي ف ايدي
واكتب كل مافيا وشاعر
واوصف تاني بكل مشاعر
وارجع احس الوقت دا وقتي
واحسب كل دقيقه ف وقتي
وابقي عايشها بقلب الشاعر
واوعي تفكر انك وحدك
بس بتكتب
وانك بس لوحدك شاعر
كل الناس بقلوبها بتكتب
بس الفرق ف وصف مشاعر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى