و صفحة قلبي مفتوحه و صفحة قلبه مطويه و عايشه اللحظه حنيه
عايشها هجر و أسيه
و بتنهد تقولش دي نار
و يتنهد برووود جبار
و حسه مشاعري كتلة نار
و هو مشاعره ليل و مرار
و دمع عيوني ما فارقني
و هو الضحكه ماليه الدار
تكونشي دعوة صايباني
و عين مالناس ملزماني
و حد عاملي كوديه و زار
و داعي عليا ليل و نهار
أشوف المر في قربه
و اعيش بالحيرة و الأفكار
ياناس :
لو حد حاسدني !
أمانه يحل عن فكري
دا منه شبت من بدري
و ساقيلي حياتى مرار
و قال فاكريني فرحانه
و جوه الفرحه سهرانه
و هم القلب بيتني
علي الاذكار مشتتني
و عين الناس ما سيباني
عيوني الحلوه دبلها
و جوه القلب تب لها
و يفرح لما أقول ياني
فأرجوكم …
بلاش حاسدين
وخلوا الآهه فالوجدان
تسمي عليه ليوم الدين…
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
