ط
الشعر والأدب

كل حاجةفيك عاجبانى …للشاعرة / منال أمين

……منال امين…….

كل حاجه فيك عجبانى
بادوب فيها ولمسانى
ضحكتك .. نظرة عينيك
باعيش فيهم عمر تانى
غُلبت كتير اخبى
وانت ويايا جنبى
تفضحنى نظرة عينى
تحمر خدودى الوردى
أقوم ساكته وفى قلبى كلام
ألقاك تاخدنى فى حضنك قوام
أدوب تانى و آه يانى من الدوبان
ولما صوتك يندهلى
امشى كده على مهلى
ومن جوايا قلبى بيجرى
وروحى قبلى تسبقنى
أصل صوتك بيدوبنى
وبحب اسمى لما تقوله
باحس انه شايلنى
بيسهرنى الليل بطوله
باشوف ملامحى فى عينيك أجمل
وحُسنى بيزيد ويكْمّل
بلمسة ايدك حبيبى
احساسك جوايا بيوصل
احب نفسى كمان اكتر
وحبى ليك القاه يكبر
ما كل حاجه فيك عجبانى
بتدوبنى اكتر واكتر
منال امين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى