ط
الشعر والأدب

لجلك ..انا بعت البشر ..بقلم / منتصر منصور

منتصر منصور
لجلك ..انا بعت البشر
اّه بعتهم
لما التقيت الغدر
يجري في دمهم
لما التقيت الفكر
سادي ف عقلهم
الكلمة كات منهم زى الفحيح
بتسم في البدن الشحيح
بين الشفايف ليها شكل
وليها صوت
غير اللي جوه قلبهم
يا لعبهم..
يا كدبهم في بعضهم
الحب بينهم
طفل خايف م الضياع
سارح بيشكي غربته
زي اليتيم..
مين هيه امه؟
ومين يضمه ؟
و فين أبوه؟
فين هما أهله اللي فاتوه؟
الأسئلة ما بتنتهيش
ما تدوريش
وما تسأليش أوماتخفيش
سلمت ليكي خيط أمان
ونزلت ف بحرك زمان
من غيرك انت ..
إزاي أعيش
………….

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى